踏入狗年最叫阿呆驚喜既消息...莫過於利物浦入球之神既回歸...!! 正當阿呆在上一回<呆佬講波>中提過紅軍3小將既往事...感慨佢地黯淡既下場之際...想不到...真的想不到...賓師卻帶來了這一個震撼全英既轉會消息~科拿免費轉會回歸利物浦...!!

阿呆那清早從CABLE 既新聞睇到這消息...還真是呆了一陣~科拿回歸...科拿真的回歸...!! 事前沒有丁點兒張揚通告...( 事後我有點佩服- 香港利物浦球迷俱樂部(官方球迷會) http://www.lfc.org.hk/index.php?party=home ... 佢地曾經攪過一月份轉會市場重開...利記fans最想球會收購那個球員既投票...當中竟然有科拿選擇?!在這毫無先兆既轉會事件之前...佢地是否一早從英國小報得知科拿會回歸既情報呢...?? 而阿呆當時就一定投了科拿一票啦...!!) 返回那清早...阿呆呆了一陣陣之後...個人有點激動起來...真的~我是因為他的回歸而興奮躍動...那天阿呆拿拿臨開著部電腦...開番cm這模擬足球遊戲...買返科拿回來為我打江山...!!

有人問...科拿31歲都就到...佢回歸有什麼用....? 但阿呆可以答你...科拿既回歸係利記既精神上同球員選擇上都有好處...!! 先說回來...阿呆根本唔明點解侯利亞(前利記領隊)要賣走他...!!莫非真是一朝天子一朝臣...?? 或是好似祖雲達斯咁...當廸比亞路掘起...就要送走巴治奧...?? 奧雲登場就容不下科拿??阿呆實在唔明...球會象徵都賣得走...阿侯生有幾令阿呆討厭可想而知...!! 阿呆好坦白說(可能令萬千女性利記fans反感) 奧雲~阿呆從來都唔欣賞...!! 阿呆連一件奧雲既球衣都唔買...why...??原因同阿侯生都有關係... 因為阿侯生只是睇中奧雲既速度...建立咗一支有波就踢上去...全隊波只靠佢係前面走既球隊...!! 踢法簡陋又毫無深度...天...!! 奧雲就在這咁既踢法上成長...(有冇成長到...??) 唉~總之是浪費了...而科拿一類踢小組同地面進攻既球員...就通通比侯生送走晒...?! So...科拿回來就好像利記打回本身小組進攻足球既精神回歸一樣...球會先有攻擊力同強隊力爭...!! 而且利記陣中實在需要一類可以控球在腳...射術全面...把握力強既箭頭 !! (阿呆冇誇張科拿既能力...科拿在一九九三年秋天冒起在利物浦...隨後打破了無數入球紀錄並以隊長身份帶領球隊於００／０１球季勇奪三冠殊榮...!!只是侯生唔知做什麼送他走...!!) 而事實上...利記實在需要一個懂入球既箭頭... 高治有高空優勢...能作二傳...但攻門能力偏低...摩連廸斯頂上功夫十足...有身型...但總是欠運...而那個施斯...天~!! 冇射術...得個快字同騎尼造型既球員...阿呆好少見到一個所謂射手單對單...只對著守門員都毫無把握力...阿呆多次留意...施斯係上述既情況...只會快腳亂射...根本冇想過攞任何角度或者扭過守門員...佢冇一個射手既意識...!! 科拿回來...就可以大大加強番箭頭既入球能力...事實上...利記今年多場賽事只是依靠中場入波...實在......

雖然科拿都快31歲...但阿呆深信他在賓師訓練之下...可以打回昔日既水準...事實上賓師同他的教練團既能力是有目共暏:懷斯...芬倫無論狀態同攻守意識都大有進步...連基維爾近年飽受傷患困擾...目前都可以漸漸上力...可見賓師比到球員耐性同一定既信心...科拿有望重拾佳態...而科拿一上力...阿呆希望佢有曼聯舒寧咸既功架...咁利記就精彩啦....!!

p.s 回報科拿回歸既第一場比賽...對手是伯明翰...科拿後備登場...全場掌聲震天...而科拿既表現都十分落力...多番既傳送...尤以一記既妙傳給摩連廸斯最為精彩...完場前一記倒掛...功架十足...可惜是越位在先...未能為利記取得勝利既入球...實是美中不足...