阿呆戀曲~ 魚蛋歌 ~ 第10章

「好在你老婆我…都有d方法…」陳師奶游游地說

「我同勝仔講…你老豆教游游既方法本身係無問題…今次只係處理既手法唔好啫」

「對......對…..我話晒係老師傅呀…」華老闆一副叫屈的樣子

「咁我又同勝仔講…如果今天佢早d去開下個雪櫃…早d發現就冇事囉…」

「對~ 阿蓮你最明白我…我就是想同阿勝講…佢欠了點自覺…! 」

 華老闆雙手交疊在胸前…不禁點頭道

「德華~你又點可以咁快對勝仔咁高要求啫…」

「佢其實好有心機咁做…你知唔知勝仔係打好魚蓉加上什麼…?」

「阿勝先用上蝦肉混上魚蓉去打…増加咗魚蓉既彈性…」華老闆不等陳師奶問完就答道

「又將紫菜切收成碎片…混上魚丸…増加魚蛋既口感…..對嗎?」

「嘩~~德華..你點知架…? 」阿蓮想不到華老闆答得又準又快

「呵呵 …我就欣賞阿勝既創意…才想令佢更上一層樓…」

華老闆想起昨晚既窺探…滿意地笑道

「你既意思係….? 」陳師奶試探道

「什麼意思唔意思…佢有排學先跟得上我…不過開始像點樣…」

華老闆作狀又說道 「呵呵~咁阿勝做好既魚蛋…唔好咁浪費咯~今晚我倆就用來打邊爐…正~!!」

「你就想啦…你個仔都係帶咗去BBQ…哈~都是我既主意」陳師奶展現了勝利的笑容

「什麼…? 都黎唔切解冷了吧…?!」

「我只係提咗勝仔一點~~魚蛋唔用來燒烤…都有好方法食出味道來」

「唔…阿勝佢聽完了怎麼樣…?」

「自然一下子忙碌起來…歡天喜地咁搵齊晒D材料…就同游游趕出門口」

事情總算告一段落…

---

 城門水塘~晚上9:23分

「呵呵…阿勝..你睇唔睇到你班老死既反應…」

阿呆同陳勝坐在燒烤場中心的亭子…阿呆失笑地又說

「男既憎你…女既怨你…呵呵~」

「有嗎….?! 冇咁誇呀…?!」陳勝沒好氣地說

「鬼咩…個個男仔見到你表妹…都變晒傻佬咁…四仔重誇…」

阿呆扮了四仔呆咗既表情..七情上面又道

「佢先前重大大聲講...阿勝遲晒大到…要罪咁話..點知一見游游…條友就乜都唔記得啦…」

「哈~呆少…有關罪人既野…唔知你又有冇份去諗呢?」

「Hey~你咁睇你兄弟我呀~」阿呆扮晒失望…旋即又道

「我眼見你趕黎集合地點時…揹住一袋..抱住一袋…抽又一袋…重邊忍心…哈~」

「話時話~你帶咁鬼多野...冇手拖住你個好表妹…哎喲~又打?!」

「重叫我搬個大cookset出來…你想攪乜鬼…」

「你條友冇離正經…就抵打…!! 一陣我會煮野食咯…」

「煮野食?!…你攪邊科呀…? 喂~」

阿勝望著遠處的爐火…看見游游同大伙兒有講有笑…忽然感到有點落寞…

「係阿呆胡說八道影響咗我…? 」陳勝推想到

「喂~你望乜野望到咁入神呀…」

「冇~冇…阿公咁耐都味到既...?」陳勝胡扯道

「阿公~佢搵到份工喇~家下做緊part-time清潔工人~冇咁快黎到咁話…」

「吓~阿公咁鬼快手就搵到工…」陳勝訝道

「佢好似冇打算再讀落去…」阿呆嘆道

「唉~ 」

陳勝感同身受…他的下一步又可以點呢

「Sorry~阿勝…我一時口快…」阿呆一時都不知怎說…  

---

秋風適時捲來…

  帶來一陣快意….

  陳勝輕拍身旁的阿呆…

  兩人一時間就像看透對方心中所想…

並肩站了起來

  懶理燒烤場的其他人…

  就向夜空大喊出來…

---

「哈~哈~好暢快~~」陳勝歡愉地笑出來

 「嘿~你睇下…佢地當我地傻咗呀…」阿呆指點著爐邊那方

 「呵~理得那麼多…」

 「你既精靈表妹呢?...佢一陣當你傻…傻佬呀...」

  兩人又是一陣打罵…