阿呆自幼就跟父親睇波...記得細路個陣(當然是指沒有有線既年代啦...!!)~電視只會有英格蘭聯賽睇...全季賽程電視台會直播既...就只得過幾場(通常播FA CUP)...但都叫我過足隱既啦(當時邊會想後來會有幾個頻度...24小時不停有波睇既電視台出現...有線萬歲!!)~而一個星期最叫阿呆期待既~就係球迷世界同每週聯賽精華...!! 這兩大節目簡直係阿呆既精神食糧...阿呆就試過冇得睇(屋企人要睇其他野)...同屋企人反面...嘿~~

時代係咁變化~香港人既口味同生活需求不斷提高...阿呆有幸睇到意大利既聯賽...(雖然都係全年得個幾埸...每週有輯精華...但阿呆好快就對意甲情有獨鍾...最喜歡既國家隊一定是意大利...!!) 跟住阿呆接觸足球賽事越來越多...什麼西甲...德甲呀...全部都係歐洲足球雜誌中睇過來(有幾多我就睇幾多...!!)...呵呵~不過要說最好野既...相信就係D睇波癡(LIKE ME?!)...永遠都唔知點解就會記得D球員名...一同d朋友講起就好似如數家珍咁...真係叻過讀書架...!!(可能同玩得CM多有關啦...)

革命既時代終於來臨~有線正式購買晒四大聯賽既播放權...一時間風雲色變~阿呆就叫苦連天...原來屋企是沒有安裝有線既想法...阿呆從此就冇波睇啦?!...SO BAD!!~SO SAD!!~好在天無絕人之路...阿呆當時勝有幾個私竇(都是朋友既屋企)...每星期不論打風落雨...阿呆都會上朋友家中睇波(都幾厚顏下架...呵~)...而最經典既...是有線買了世界既轉播權...嘩~個時為咗睇波...一個公屋單位...就坐咗十幾個靚仔...一起狂歡一起討論...總之是熱鬧啦...(好在朋友既父母通常都唔係間屋度...唔係...嘿~)...真是好懷念...家下阿呆都變呆佬咯...就好少一班friend睇波...唉...

講咗咁耐...阿呆喜歡邊一隊波...?! (next time 再talk)