無錯...是Red Army利物浦...

鳴~昨晚真是輸得唔低呀...!! 摩連廸斯開波5分鐘錯過機會... 路易斯加西亞頭搥中門眉...謝拉特罸球射向右上角死位又被聖保羅守門員神勇撲出...唉~唔計個3次食酢糊啦~利物浦確實打出水準之中既足球...可惜就欠了一點點運道...輸了1比0...

咁說得全面一點...聖保羅睇準了利物浦後防錯失既一次失誤...(真的只是一點點...) 突破咗利記後防既越位陷阱...都要一讚既~而且佢地既防守都比想像中出色...頂足下半場...紅軍表現是交足貨了...我都睇見全隊爭勝既鬥心...輸了~但我覺得精彩...  

阿呆是利記忠心既fans...嘿~阿呆欣賞利記既過程都有d曲折架...本來家父就是利物浦既fans...小時候睇FA cup...已經熱愛這支英國異軍...佢地地面既進攻方法...簡直是無孔不入...(同當時英式長傳急攻...高Q大棍完全唔同...)叫年紀輕輕既我留下深刻既印象...不過有印象還有印象...阿呆第一隊鍾意既球隊...是曼聯...!!

對...!!是7小福之前既曼聯( 即是沒有碧咸..史高斯...里維尼兄弟...同畢特) 當時既曼聯有我既最愛既陣容...門將舒米高...後防巴里斯達...布魯仕...兩閘一邊是艾雲...一邊是柏嘉...中場厲害啦...有恩斯...堅尼...麥佳亞...同笠臣(麥佳亞同笠臣多數是後備)...兩邊快翼有簡察斯基...傑斯重有沙柏(我好喜愛...但是容易受傷既男人...!!)前面有曉士...重有叫我傾心既奧脫福大帝簡東拿...!!嘩~阿呆當是睇曼聯既比賽就是享受...兩邊既翼鋒又扭得又夠快(簡察斯基既右翼位...今時今日都冇人替補到!!碧咸呢?! 阿呆心中佢根本唔係翼...佢是依靠中場走位...比波佢...佢又到位先出到波既球員...同翼鋒過關斬將唔同...!!...而左翼呢...?!到家下都是傑斯最穩陣...!!)簡東拿係曉士後面支援...中路創造又分兩邊波...關鐽時就入世界波...!!曉士唔好講啦...勁到可以飛去巴塞隆拿打波既!!...佢既抽射...佢既倒掛...佢對入球既飢渴...(老實~雲佬點比呀)...當時我很愛紅魔鬼...真得愛到入了魔...但可惜好境不常~真是叫我心傷架...是費sir在某一季後..佢唔要簡察斯基...放了恩斯去國米...曉士又賣走...沙柏沒有出頭...一連串既事叫我心碎...我既完美球隊就咁比一個領隊打散...我當時好憎費sir...好討厭曼聯(阿呆當時年紀少...同曼聯既感情好似對初戀情人咁...你唔想佢改變...接受唔到佢會變...!!) 但當時...我d朋友仔都有同感架...一起唔愛曼聯...集體同佢分手...嘿嘿~!! 咁呢個時候...紅軍出現啦~!!(待續)