阿呆戀曲~ 魚蛋歌 ~ 第12章
陳勝、阿呆同阿公三個白癡已經站在公廁既門口外
阿四則從廁所內走出來…手勢作了一個ok狀
「Ok…一早已經清晒場…重頭戲正式開始~」
「哎~你地要我等咁耐架~拿拿臨玩完就開餐啦~我好鬼肚餓呀…!!」
阿公早有點不耐煩…叫罵道
阿四同阿呆裝作聽不到…只是相視而笑…
陳勝眼見兩人眉來眼去…只笑不答…隱隱察覺兩人必有點古怪…
「應該可以開始啦瓜…」陳勝幫口答道
「阿勝…入面係唔係只得一枝電筒…? 」
阿公突然問道
阿呆不等阿勝答話…就搶著答道
「當然啦~你重唔快d入去搵…」
阿公聳一聳肩…出人意表地又問道
「咁我如果搵到~你地班死仔明晚就陪下我…如何…?」
三人不慎阿公會有此一問…重問得有點古怪…一時就是答不上…
「………」
「點呀~」阿公追問
阿四和阿呆又來一轉擠眉弄眼…
最終…阿呆推了阿四一下…阿四答道
「你搵到先算啦…嘿~」
「唔~」
阿公冷哼了一聲...
阿呆見狀搶著說
「啊~阿公搵唔搵到既…我地做兄弟既都陪你架啦…嘿~」
「咁你首先去揾咗先啦…快啦~乖啦~」
阿四補充了一句
「呵呵…我當你地應承架啦…哈哈…」
阿公說畢就步進公廁裡…
阿呆一見阿公走進廁格內就關了廁所既燈制…
「本來無一物~」
阿呆陰陰咀笑道
「何處惹塵埃…!!」
阿四唱和起來…
「喂~你兩位攪邊科呀…!!」
陳勝不解問道
「嘿~講到咁明…你都唔明…!!」
阿呆細聲向陳勝說明了一遍…
陳勝邊聽邊皺起了眉…
公廁內竟沒有電筒…!!
兩個人一早就想整鬼阿公…!!
「喂~呆少~你…你睇…」阿四驚呼道~
只見一條光柱從廁所的窗格透射出來
驟然把黑漆漆的公廁弄得光亮起來...
雖比不上電燈明亮...
但卻足以整撼了阿四和阿呆的心靈...
不消一刻...
阿公手執一枝筆型電筒淡淡定從廁所走出來...
「哎~咁細支電筒叫人點搵呀~好在...我都好好彩啫...」
阿公若無其事地將他的筆型電筒收回工人褲既袋子裡...
向阿勝單一單眼又道
「得一枝電筒係廁所入面...right...?」
三人還不知阿公早看穿了他們的把戲...!!
阿四只覺啞口食黃蓮...面上只掛了一個O型嘴...傻傻地望住阿公...
阿呆雖被人反將了一軍...但阿公實在幹得漂亮...不禁搖頭笑了起來
陳勝則呼了一口氣...暗替阿公叫了一聲~...好!!
阿公輕鬆地拍了陳勝的肩膀…笑道
「死仔…好鬼肚餓…聽呆少講你做了點親手制既魚蛋來…快d燒點來食下…」
陳勝啊了一聲…就與阿公 肩而行…笑道
「哈~阿公…燒既魚蛋就沒有了…我今晚準備用來下湯呢…!!」
阿公揚一揚眉…又道
「你個死仔…又攪d新意思出來…重唔快d去煮?! 哈…等我去燒塊豬扒醫下肚先…!!」
又轉身指著阿呆同阿四道
「你倆個死仔…呆係個公廁門口攪咩野…快d死過來傾下計啦…」
四人最終又嬉笑怒罵…圍作一團…
....這是什麼意思呢...?!
