呆佬講波: 與紅軍戀上~ 戀上95年紅軍3小將...!!

上回說到...阿呆最初認識了紅軍...但戀上既卻是紅魔...?! 好景不常...又或者初戀總會有太多憧憬...我同紅魔就因費sir 賣走了曉士..恩斯等人而分開...卻再遇上紅軍-利物浦 (好鬼似d戀愛情節...?!)

當時利物浦已經進入了變動中既年代...冇什麼戰績可言...(可以說時代是會變...冇一隊球隊可以永遠稱霸一個球壇...!!)但這才是最吸引人既地方...睇住一支球隊重新出發...支持它走上冠軍路...這感覺是十分激情和感動...!!(喂~紅軍都冇攞冠軍好耐啦~你點會有這份感覺呀...?! 哈~阿呆除了紅軍外...重有一個二奶呢...佢就是...遲一點再說吧...!!) 好啦...阿呆當時會支持紅軍...當然有其出色之處...對...!!就是紅軍青訓出來既科拿...麥馬拿文...買回來再培訓既列納...這紅軍年青一代既三劍俠...!!

科拿~初出道身穿23號球衣...(同空中飛人佐敦一樣...阿呆當時喜愛打籃球...眼見科拿身穿偶像一樣既球衣號碼...當然落足眼力留意啦!!..十幾年後...碧咸係皇馬又話穿23號...我就冇feeling啦) 科拿是一個天才射手...射術十分精湛...當時由魯殊這名宿提點下...科拿初出道可以說是一鳴驚人...阿呆最記得是他在1998-05-06對阿仙奴一埸賽事中上演大四喜既入球show...簡直叫人驚嘆...!!

麥馬拿文~初出道身穿17號球衣...(曼聯有傑斯...紅軍就有麥記...這是阿呆對紅軍充滿期待既原因之一...時至今日...紅軍都沒有一位可比麥記咁出色既鋒將...!!)麥記盤扭能力出眾...能靠一己之力在邊線發難...扭到底線出波助攻...或直扭入禁區起腳...勁!!( 我讀中六時...班中有女同學是他既fans!! ) 可見麥記確是一位踢法優雅既球員...

列納~初出道身穿15號球衣...(阿呆在3小將中最欣賞係佢...點解?一來列納係球場既風格同我一樣...大佬?!點一樣...你打籃球...人地踢波...?! 等等~阿呆是指係比賽既作用上...大家都是負責組織同進攻...又有遠射既腳頭...!!二來 ...呵~我同列納是同月同日生...咁就意義重大啦...!!) 列納本來是利物浦同英格蘭中場既希望...但可惜他是容易受傷的男人...他一生最精彩既足球歲月就只有初出道那幾年...同英格蘭舉辦歐洲國家柸的一瞬間...真是教人惋惜...列納最後雖擔任了紅軍既隊長(長期受傷的隊長...)但最教阿呆難忘..是利記奪得5冠時...他只是身穿西裝...沒法落場比賽...但隊友依然請他出來慶祝...高舉獎柸...紅軍團結既精神盡現...!!

唉~其實紅軍3小將既足球命運都不是那麼好...3位日後穿上正選既號碼時(科拿9號...麥馬拿文7號...列納11號) 就好像交上惡運一樣...科拿同列納飽受傷患困擾...最終係紅軍既改革中...被放逐到其他球會...科拿先後到了列斯聯同現在既曼城(都是成日受傷...!!)目前不知是否快退休了(科拿好在理財有道...可以買了一條街收租...!!) 列納先後到了熱刺和修咸頓...現在已因傷患退休...修讀教練課程中...而麥馬拿文因合約問題...轉會到皇馬...(甘心地做了幾年大後備...阿呆都唔明點解...?!)回來轉會到曼城...現在都退休了...唉~

紅軍3小將在紅軍的光輝日子雖短...但當時3人加上來既威力...阿呆到現在依然印象深刻...當時紅軍既地面足球...富侵略性同娛樂性...實非侯利亞年代那悶死足球可比...時至今日...紅軍在賓尼廸斯手...才見到順暢既攻勢...紅軍終回到正軌...!!